Paribasan (1)

Paribasan iku unèn-unèn kang ajeg panganggoné, mawa teges entar lan ora ngemu surasa pepindhan. Ana ing basa Jawa biasa diarani saloka lan ana uga kang ngarani bebasan.


Tuladha:


Kriwikan dadi grojogan. (prekara sing sepélé dadi gedhé).#paribasan


Lédhang-lédhang nemu pedhang. (nemu kabegjan tanpa kanyana-nyana). #paribasan


Anak polah bapak kepradhah. (wong tuwa kang kewirangan amarga polahing anak) #paribasan 


Kalah cacak menang cacak (samubarang pagawéan luwih becik dicoba dhisik bisa lan orané) #paribasan

Durung ilang pupuk lempuyangé. (dianggep isih kaya bocah cilik) | Dianggap masih seperti anak kecil. #paribasan

Gemblung jinurung, édan kawarisa. (tumindak nékad, nanging malah nemu kabegjan) #paribasan

Kebanjiran segara madu. (nemu kabegjan/rejeki sing gedhé). #paribasan


Kajugrukan gunung menyan. (olèh kabegjan kang gedhé banget)#paribasan

Cedhak kebo gupak, cedhak cèlèng boloten. (Kekancan karo wong kang kelakuané ala bakal katut ala) #paribasan

Dandang diunèkaké kuntul, kuntul diunèkaké dandang. (bab ala dikandhakké becik, bab becik dikandhakaké ala) #paribasan

Kadhang konang. (wong kang diaku sedulur yèn wongé sugih utawa duwé pangkat) #paribasan

Kandhang langit, bantal ombak, kemul méga. (ora duwé papan/omah) #paribasan

Rebutan balung tanpa isi. (regejegan perkara kang sepélé). #paribasan


Aja golèk wah, mengko dadi owah. (aja mburu marang pandelenganing liyan utawa tumandang kang mung golèk pangaleman) #paribasan

Gong lumaku tinabuh. (wong gelemé omong mung yén ditakoni). #paribasan

Cébol nggayuh lintang. (wong duwé panggayuh kang mokal kecandhaké) #paribasan

Gliyak-gliyak tumindak, sarèh pikolèh. (senajan alon-alon anggoné tumindak, nanging bisa kelakon) #paribasan

Brekithi angkara madu. (wong kacilakan marga barang kang banget dikaremi) #paribasan

Esuk dhelé, soré témpé. (ora antep, atiné molah-malih) #paribasan

Lajengaken Maos - Paribasan (1)